ზუსტად ამას მიყვებოდა ბიძაჩემი, როდესაც შენ დარეკე... რაც მახსოვს ყველაფერს ვწერ... (ცოტა რაღაც ჩავინიშნე და აი წინ მიდევს მეგრულ-სიტყვებიანი -ფურცელი”)
წყირ დო ჭკიჭკიტია (ექსკლუზიურად ბაშანასთვის ჭყონიდან)
წყირ დო ჭკიჭკიტიაქ დეჯიმაკოჩეს!
- ხომ ქო რექ ჩქიმ ჯიმა!
- ქო წიე! აბა მუჭო...
ჯიმალეფ ვორეთია უწუ ჭკიჭკიტიაქ წყირს დო მოდართეს შორ შარაშა...
ჭიჭე იდეს თუ ბრელ, კუჩხით თუ პუხშა მობუნაფილ... შარას ქეშახვადეს ტობაქ... წყარიშ ეფშა ტობა... :(
წყირქ ესხაპ - დოსხაპ დო თე ტობას გეგნასხაპ....
- ჭკიჭკიტია! სი ცოდა! მასხაპალ რექო ??
- ბაღანა ხო ვა რექ წყირუნია... აბა მუს ბღოლანქია
ათიჭურჭინუ დო შქა წყარს ქენადღვაბუ :)))
მითიხვარხვალ ჭკიჭკიტია წყარს დო ოხვეწუ წყირს
- ჩქიმ ჯიმა ქორექ და! თაქ ვენმოყირძუა აკა, მიშველь ჩქიმ დუდის გოფუჩუანქ!
შხვა შარა ვარდუ, წყირს ოკო მეოხვარებუდკონ ცოდა ჭკიჭკიტიაშა...
- ჯგირ ჩქიმ ჯიმა! მეგახვარებუქია
ესხაპ-დოსხაპ წყირქ დო მიდეცანცალ ღეჯშა
- ჩქიმ ღეჯ ქორექ და, ჯიმაკოჩ მიუნს გაჭირებას დო სკან ბურდღა მოკონია, დობზგუმონჯუნქ დო გეშუოსარგალუანქ ჩქიმ ჯიმა ჭკიჭკიტიასია!
- ქო მუჭო ვარ, ქიმერჩანქ მარა მა ჭიჭე რკო ვარა ქუმომიღ სკან იფრელ ქოიორსდა!
ვა ოფე ჩქიმ საშველь, იფიქრ წყირქ, მარა მუს ღოლანდ!
ესხაპ-დოსხაპ დო ჭყონიშ ჯაშ წვანჯის ქდასხაპუ...
- მიშვეეელь პატონ! ჩქიმ ჭყონ ქორექდა, ჭიჭე რკო ქომუჩ ჯიმალურო! რკოს ღეჯის მეუღანქ, ღეჯ ბურღას მუჩანს, დობზგუმონჯუნქ დო ჩქიმ ჯიმა ჭკიჭკიტიას გეშუოსარგალუანქ წყარშე.
- ქო სკან ჭირმა! მარა ათე ყვარიაქ გეშამიღ შური! ჩამრცხინე აკა, ირ ორდოს გეთმოძგინდილანს დო ვეშემლეეებ ნანაა:))) ჭიჭეს ვარ, ბრელს მერჩანქ, ბრეეელს!
გოპიპონდ წყირქ, ხმა ვეკუღალ თეშ მიდართ ყვარიაშა.
- ყვარია, ჩქინ ჯიმალობას გოფუჩუანქ აკა, ჩერცხი ჭყონიშ ჯას! ჩერცხიებუქ და, ჭყონ მუჩანს რკოს, რკოს მეუღანქ ღეჯის, ღეჯი მუჩანს ბურღას, გიკობკარკატანქ ბურდღას დო ჩქიმ ჯიმაკოჩ ჭკიჭკიტიას აშო გეშუასარგალუანქ ლეტამ წყარშე!
- ა წიე კოჩ! მა ქეშუერცხიებუქ მარაა... ჭიჭე პადარგევ მოკო, ბრელს ვა ბთხულენქ.. ართ ჭიჭე წიწიი დო გატოვ რე საქმე...
ესხაპ-დოსხაპ წყირქ დო ქოთომიშ ოკარიეს მილასხაპუ
, ოგვაჯეს დადულ მითოკარკაცანდ!- გახარება დო ჯგირობუა თე ოკარიეს!
- მოსოჯ სი გახარებულь! მუქ შეგაწუხ დედა!
- უჩა დღას ვორექ კრუხუნია! ჩქიმ ჯიმა რე გასაჭირს დო სკან დახმარება მოკო, მარა ნიჩვ ვემკართინუა თეშ დემეხვარ!
- ზოჯ პოტონ!
- ბრელ ვამარაგადე, მარა კაროჩე ქობთქუათინ, სკან ჭიჭე ჯუჯულია წიწიი ქომუჩ! მანგარო რთხინქ! თეშ მითინშა მუთუნ ვამითხუ!
ართ წუთის იფიქრ კრუხუნიაქ დო ზოჯუ:
- ართის მერჩანქ... მარა თი მინჯეღურელ კატუ დომთხინე აკა... ვარა ქიმუაკათანქ დობტყაბარანქ მამაძაღლის!
- ქო boss!
ესხაპ-დისხაპ წყირქ დო კატუს ქიმკასხაპ...
ჩქი ბოდიშ, კატუ გვალო ზაგარს ღებულენდ ბალოტაშ პიჯის!
- კატუუნია ციბუნია! - ოოო წყირუნია სო რექ ვა გორწყექ :)))
- წიე სკან ძიცაშ დუდ ვა მიღუ! ოთხუალ მიღუ აკა სკანდა!
- მუჟამს უკულ ბთხინქ სი მა მუთუნს! :))
- წიე ვამოძიცინუაფ! ჩერცხი აკა თე გვედერია ქოთომს!
- მუშენ ითამ!
- აჰ ასე რკიაფაშ დუდ ვა მიღუ სი გახარებულ... ჭიჭე ქოიორქდა ჩერცხი... ჩქიმ, დუდის გოფუჩუანქ...
- ოხ სი მუ რექ კოს ვაუჩქუ! ჯგირ! მარა ხეცაიერო მუშენ მასვატე აკა??? აიიიტ ბეგომ ბჟაშა... ხვალე კვარაცხელიაშ ჯიშიშ ჩხოუშ ბჯას ბშუნქ მა :)) ქუმომიღ ბჟა დო უკულ ბრაგადუათ!
დო ქემშიძიცუ წასაგებელ ციბუნიაქ! :)))))
შხვა შარა ვარდუ,,, ბეგომ-ბეგომ მიდერულ ცოდა წყირქ ჩხოუშა...
- მემახვააარიიით ნანაა.. მემახვარიიით!
შკა შარაშე დიჭყ წყირს კრიაფ დო თვალუა..
- მურენია წყირუნია! მუქ მოხვადუ??
- ვა ბკითხა, ვა ბკითხა! ჯიმალურო ქორთხინქ აკა ჭიჭე ბჟა ქომუჩ დო მუსუთ მიწინქ იფრელს მოიღანქ ჯიმალობას გიფუჩუანქ..
- ვავაა გვალო თაშიოო??
ახიოლ ჩხოუს...
- ოდიარე მოკო წყირუნია...მომიღანქო??
- აბა მუს ბღოლანქ, მოიღანქ მოიღანქ!!!
ესხაპ-დისხაპ წყირქ, ქეგნიკარკატუ ხეფორჩეფ დო დიჭყუ ოდიარეშ გრინჯუა!
გრინჯ დო გრინჯ ოდიარე... გურს ფიქრენდ ”ოხ ჭკიჭკიტია! პანღურით დოიდაცუნქ მუნდის სი წასაგებელ, სი” :) მარა დრო ხოლო ვარდუ ოფიქრებელ... ესხაპ დოსხაპ დო მიდასხაპ ოდიარეამო ჩხოუშა...
ჩხოუქ მეჩუ ბჟა, ბჟა მეუღუ კატუს, კატუქ სიტყვა მეჩ ჩევერცხიებუქია ბუსკუნია დადულს დო მუშ ჟინტუებს... დადულქ მეჩ წიწია ყვარიაშოთ, ყვარიაქ დიფუჩუ ვეგნუოძგინდილანქია ჭყონიშ ჯას... წყონიშ ჯაქ მეჩ რკო.. რკო მეუსარგალუ ღეჯის, ღეჯიქ მეჩ ბურდღა...
დოზგუმონჯ ბაწარი წყირქ დო გეშასარგალუ ჭყიჭკიტია
- სი უმუნდე ჭკიჭკიტია, მუნდ ვაიღუდუდა მუს ოსხაპანდია
ჭირ დო გაჭირება რუსეფს დო იფრელ ჯგირობუა მა დო თქვა :))))
Этот комментарий был удален автором.
ОтветитьУдалить